![](https://img.bomboradyo.com/baguio/2021/11/COVID-19-vaccination-card.jpg)
BAGUIO CITY – Mangrugin nga agbiruk dagiti business establishments iti vaccination cards ken ipangrunada dagiti kliente a nabakunaan kontra COVID-19.
Sigun kenni Baguio Tourism Council (BTC) chairperson Gladys Vergara, naibilin kadagiti business establishments ti panagsukimat iti vaccination cards dagiti kliyente tapnu maipangruna dagitoy.
Paset metlaeng daytoy ti suporta ti BTC iti resolusyon ti National IATF a mangal-allukoy kadagiti residente nga agpabakuna kas proteksion kontra iti COVID-19.
Ti BTC ket maysa nga organisasyon dagiti pribado nga establishimento ditoy siudad a tumultulong iti lokal a gobierno iti implementasyon dagiti programa mainaig iti turismo.
Maipalagip nga nagpalagip ti mayor ti siudad kadagiti negosyo ken establishimento iti nasayod a panagsukimatda iti vaccination cards dagiti kustomer ken kliyente dagitoy.
Naipasigurado pay ti agtultuloy a panagwanawan ti Safety Seal team tapnu mapalubosan dagiti establishimento nga agtulnog ken mangipatungpal iti panakaipangruna ti serbisyo kadagiti nabakunaan a kliyente dagitoy.