BAGUIO CITY – Binigbig ti Philippine Statistics Authority (PSA) ti rehiyon Cordillera kas maysa kadagiti lugar ditoy pagilyan nga addaan iti napintas nga ekonomiya.
Segun kenni PSA-Cordillera regional director Villafe Alibuyog, ti ekonomiya ti rehiyon ti maysa kadagiti kapartakan a dimmur-as no idilig kadagiti 17 a rehiyon ditoy pagilyan.
Kinunana a ngimmato iti 12.1 percent ti ekonomiya ti Cordillera gaputa manipud iti P137 billion idi 2016 ket nagbalin daytoy a P153 billion idi 2017.
Dinakamatna a dagiti sektor nga addaan iti kadakkelan a kontribusyon iti panagdur-as ti ekonomiya ti rehiyon ket ti manufacturing, services, agrikultura, foresty, fishing ken hunting.
Innayonna a nagbalin pay a 100.5 percent ti region per capita index ti Cordillera, nangatngato no idilig iti national average.