--Ads--
BAGUIO CITY – Pormal nga inawat ni PNP Chief Police General Camilo Pancratius Cascolan ti panagsuko ti dua a miembro Komiteng Larangang Gerilya – South Ilocos Sur ti Iloco-Cordillera Regional Committee ti CPP-NPA.
Immunan a simmuko kadagiti otoridad sadiay Karikitan, Conner, Apayao idi October 15 da alias Michael ken alyas GM wenno Gian kadwada ti walo a bulan nga anakda.
Insuko metlang dagitoy ti dua a granada, maysa nga M-1 garand rifle karaman ti bala daytoy.
Ininspeksyon metlang ni Cascolan ti nangato a kalibre ti paltog ken armas dagitoy a pakairamanan ti dua a mortar, machine gun ken dadduma pay.
Indauloan pay ti Chief PNP ti panagsapata dagiti agasawa kas simbolo ti panagsuko ken panagtalikod daytoy iti grupo ti CPP-NPA.
