--Ads--
BAGUIO CITY – Impalubos ti Baguio City Police Office Traffic Enforcement Unit ken City Engineering Office Traffic and Transport Management Division ti panagtakder dagiti agingga pito a pasahero iti modernized public utility jeepney (PUJ).
Sigun kenni BCPO Deputy City Director for Operations and Acting TEU head PLt. Col. John Cayat ken Traffic Management Division Head Engr. Januario Borillo, dua pulo ket innem a pasahero ti mabalin nga aglugan iti maysa a modernized PUJ kas maitunos iti franchise nga impaulog ti LTFRB.
Manipud iti nasao a bilang, sangapulo ket siyam a pasahero ti agtugaw ken pito ti agtakder.
