BAGUIO CITY- Ado nga indibidual ti maipadpadamag a mapukpukaw iti agdama.
Sigun kadagiti otoridad, kaadoan a rason iti panakapukaw dagitoy ket ti panagtalawda manipud iti pagtaenganda gapu laeng ti napagungtan dagitoy.
Nupay kasta, saan koma a solusion ti panagtalaw no napasaktan ti nakkem wenno rikna gapu metlaeng iti saan a nasayaat nga aramid.
Maysa a wagas tapno maiwanwan dagiti annak iti dakkes nga aramid ket ti panangbabalaw ken panaggunget dagiti nagannak kadakuada.
Gapu iti daytoy, saan a rumbeng a tagidaksen ti bagbaga dagiti nagannak, no nasaktan ti rikna wenno nakkem gapu iti sasao dagitoy, imbes ketdi ikagumaan nga ilukat ti panunot ken puso a mang-awat kadagitoy.
Laglagipen! “mothers knows best but Father Knows a Fair Amount, Too”, awan ti nagannak a mangkayat a mairubo ti annakda iti dakkes nga aramid isut gapuna a rebbengda ti mangbagbaga.
