Kidkiddawen ita ni Baguio City Councilor Edison Bilog iti publiko nga ireportda ken agtestigoda kadagiti bullying incidents a mapaspasamak iti siudad.
Sigun kenni Bilog, daytoy ket tapno makissayan ken mapasardeng dagiti kaso ti bullying.
Innayon pay daytoy a numan pay respetuen dagitoy dagiti partido nu ag-ammicable settlement dagitoy, mamati ti nasao a konsehal a saan a masolbar ti nasao nga issue nu maareglo daytoy.
Mangnamnama met daytoy a sapay la kuma ta maipataw dagiti kaskenan a pannusa, minor man wenno saan dagiti involves pakairamanan dagiti nagannak dagitoy tapno sanguenda dagiti consequence wenno civil liability.
Impetteng pay daytoy a seryoso ti issue ti bullying ken babaen iti panangipataw iti kasekenan a pannusa, maipakita ti gobyerno a seryosoda metlaeng nu maipapan iti nasao nga issue no sadino saan laeng a maala iti areglo ti amin.
Inlawlawagna nga iti siudad ti Baguio, adda ti naipasa nga Anti Bullying Ordinance no sadino ti pannusa a maipataw kadagiti aglabsing ket saan a sumurok iti innem a bulan a pannakaibalud ken multa a saan a sumurok iti P5,000.
Daytoy met ti kaunaan nga ordinansa iti pagilian a Pilipinas a mang-adaddress iti bullying no sadino mabalin a maibalud dagiti mapaneknekan a manglabsing iti daytoy.
Inlawlawagna pay a mabalin a mismo a dagiti kameng ti kapulisan ti mangipila iti kaso gapu ta daytoy ket ordinansa.
Nangibati met daytoy iti mensahe para iti publiko nga agtestigoda ken ireportda ti anyaman a maimatanganda a bullying.
Maipalagip nga iti Ordinance 59-2017 wenno Anti Bullying Ordinande iti siudad, mapatawan iti pannusa dagiti ubbing a mapaneknekan a nangaramid iti anyaman nga acts of bullying iti pannakaibalud ken multa a P5,000.
Madusa met iti maysa a bulan a pannakaibalud ken P5,000 a multa dagiti school president, school administrator ken members of board nu saanda a naaksyonan ti bullying kadagiti bukodda a pagadalan.
Kanayonanna, innem a bulan met a pannakaibalud ken P5,000 a multa ti maipataw a pannusa kadagiti mangfabricate iti maatap a kaso ti bullying. // via Bombo Noveh Organo