Inyunay-unay ti Senate impeachment Court nga awan ti espesyal nga arrangement a maipaay kenni Davao City Mayor Sebation “Baste” Duterte iti panagtestigo daytoy iti impeachment trial ti kabsatna a ni Vice President Sara Duterte.
Sigun kenni impeachent court spokesperson Atty. Reginald Tongol, mabalin nga aramaten ni Baste ti holding room a naituding iti bise presidente no kayatna, mabalin meltaeng nga agtalinaed kadagiti gagangay a lugar a pagur-urayan dagiti agtestigo sakbayda a maayaban iti uneg ti Senado.
Sigun kenni Tongol, paset laeng daytoy ti gagangay a proseso iti impeachment proceedings ken saan nga espesyal a pribelihiyo para iti alkalde.
Maipalagip nga binilin ti impeachment court ni Mayor Duterte nga agparang kas prosecution witness inton Setiembre 28 wenno 29.
Manamnama a masaludsod daytoy mainaig iti transaksyon iti nagbaetan ti gobierno ti Davao City ken ti GenCorp Industries, maysa a kompanya nga indeklara ni VP Sara Dutertekas business interest iti Statements of Assets, Liabilities and Net Worth (SALN) daytoy.
