Kidkidawen ni Capitan Carol B. Domogan-Brgy. Captain iti Dominican Mirador ti panagtitinnulong para iti nalinis ken natalged nga umili kalpasan dagiti aksyon nga araramadenda a kas iti panagtaripnong tapno ibaga iti umili a makitinnulongda babaen iti saan a basta-basta a panangibelleng iti basura kangrunaan iti kanal.
Iti pannakiuman iti Bombo Radyo Baguio kenni Cap. Carol B. Domogan, Brgy. Captain-Dominican Mirador Baguio City kinuna nga adda ti tunggal lawas a clean-up drive iti barangay ngem saan koma nga ipabiang dagiti umili amin kadagiti Brgy officials, nu di ket tumulongda tapno mamentinar ti kinadalus iti purok ken barangay.
Innayon daytoy a kanayon koma a nakasegregate ti basura sakbay nga iturong iti dumping area.
Makidkiddaw metlaeng ti pannakaitali dagiti aso a maysa a rason a mangipapaat iti rugit ken mangiwara iti basura.
Kinnidawna a sapay koma ta agtitinulong ladta ti umili, saan nga urayen iti clean up drive tapno aglinis nu di ket kanayon nga aglinis iti arubayan ken kitaen nu ada dagiti saan nga umno nga agbelbelleng ti basura ket bagbagaan wenno ireport.
Daytoy ket tapno makitada dagiti turista a nadalus ti barangay ken ti pasyarenda a tourist spots.
Kabayattanna, dinakamat ti opisial a kinayon a sisasagana dagitoy nu ada dagiti bisita nga umay kadagiti tourist spots nangruna no mapasaran ti trapiko. | via Syra Calion
