BAGUIO CITY – Naaprobaranen ti pammilin para iti panagtitipon ti sumagmamano a babbarangay manipud iti 128 barangay ti siyudad ti Baguio.
Segun kenni Association of Barangay Council President Michael Lawana, naawatdan ti pammilin ti mayor para iti panakabukel ti working committee a mangtrabaho ken mangadal iti panagtitipon ti sumagmamano a barangay ti siudad.
Kinunana a mabukel ti komite babaen iti nagtipon a puwersa ti Liga ng mga Barangay, Department of the Interior and Local Govenment, Assesors Office ken dadduma pay.
Impettengna met nga iti kanito a maipatungpal ti kaunaan a panagtaripnong dagitoy ket adalenda nga umno ti populasyon dagiti babbarangay, geographical location, internal revenue allotment ken dadduma a pakaseknan.
Innayona a kalpasanna ket maamuanda no anya dagiti babbarangay nga agtipon gaputa nasken a dumanon iti 5,000 ti populasyon ti maysa a barangay.
