BAGUIO CITY – Parikut ti munisipyo ti Sablan, Benguet ti agtultuloy a panagsarungkar dagiti bisita iti Towing waterfalls sadiay.
Maipalagip a ti nasao a falls ket immunan a naiparikep gapu iti kinakurang dagiti pasilidad sadiay kas iti rescue equpment, tour guides ken life guards.
Segun kenni Nicomedes Caliguing, municipal tourism officer ti nasao a munisipyo a maysa kadagiti manguyguyuguy kadagiti turista nga agturong sadiay ket dagiti ladawan a naipablaak iti social media.
Kinunana nga adda ti alad wenno harang nga inmuntarda iti waterfalls ngem ikikaten latta daytoy dagiti bisita.
Immuna iti daytoy ket addan ti napirmaan a katulagan iti nagbaetan ti lokal a gobyerno ti munisipyo ken kadagiti agtagikua kadagiti daga sadiay para iti footpath paturong iti nasao a waterfalls.
