Inlawlawag ni sigud a Vice President Leni Robredo nga awan pay iti panunotna ti maipapan iti pulitika kasaruno ti panakaisingasing a panagtarayna iti presidential race kalpasan metlaeng ti opisyal a panangiwaragawag ni Vice President Sara Duterte iti panggep daytoy nga agtaray kas presidente iti Pilipinas.
Sigun kenni Robredo,ipangpangrunana dagiti pakaseknan ti Naga City nga iti agdama ket idadauloanna.
Impettengna nga adu dagiti pakaseknan a kasapulanna a risuten kas mayor iti nasao siudad ken saan pay a nadandanon ti makatawen sipud idi nagtugaw daytoy iti pwesto.
Gapu iti dayta,patienna a saan a dakamaten ni President Ferdinand Marcos Jr. ti maipapan iti presidential race bayat iti naituding a panagkitada ita nga aldaw idiay Naga City.
Kumpiansa ni Robredo a trabaho ti rantaen ni President Marcos Jr. iti panagturongna iti nasao a siudad kas kadagiti pakaseknan iti flood control projects sadiay ken saan a maipapan iti pulitika.
