Naiyun-unay kadagiti konsumers kasta met kadagiti vendors iti Baguio City Public Market ti saan a panagaramat kadagiti plastic wenno styrofoam nu di ket ti panagusar kadagiti eco-bag.
Iti panakiuman ti Bombo Radyo kenni Ceasar Emilio, Market Superintendent ti Baguio City Public Market, kinunana a ti panakaiparit dagiti plastic wenno styrofoam ket tapno maliklikan a mapasamak ti panaglayos iti City Camp Lagoon a napasaran itay nabiit gapu kadagiti ado a basura a plastic.
Sigun kenni Emilio, mangipatpatungpal dagitoy iti information dissemination kadagiti maseknan tapno makissayan ti panakausar dagiti plastic.
Kabayatanna, manamnama a mapagsasaritaan iti ngudo ti agdama a bulan wenno inton Hunyo ti panakaiparit met laeng ti plastic spoon iti siudad ti Baguio.//Bombo Mera Pacpacan
