--Ads--
Kayat ti Commission on Elections (Comelec) ti linteg a mangiparit kadagiti indibidual nga agusar kadagiti barangay certificates kas “proof of residency” iti kanito nga agparehistroda kas botante.
Sigun kenni Commission on Elections Chairperson George Garcia, maar-aramat gamin ti barangay certificates tapno mairehistro dagiti indibidual nga awanan iti aktual ken pudno a domicile wenno residence.
Inlawlawagna nga awan ti kabaelanda nga agkedked iti panagrehistro apaman a maipaay ti barangay certificates dagitoy uray pay awan ti government ID dagiti aplikante.
Gapu iti dayta, kiddawenda iti Kongreso a mangipasa ti linteg a mangipawil ti barangay certificate kas ebidensia ti “residency” dagitoy iti maysa a lugar.
