BAGUIO CITY – Nailaylayon ti panaka-aramat ti pasdek ti maysa a pagadalan sadiay Pico-Lamtang Road, La Trinidad, Benguet kas quarantine area wenno Temporay Treatment and Monitoring Facility (TTMF) para kadagiti returning OFWs ken COVID-19 patients ti probinsia.
Sigun kenni Mayor Romeo Salda, daytoy ket kalpasan a napirmaan iti nagbaetan ti lokal a gobyerno ken ti nasao a pagadalan ti panakailaylayon ti katulagan iti nasao a panggep.
Kinunana a maaramat ti nasao a pasdek kas quarantine area iti uneg ti kanayonan a lima a bulan ken P100,000 ti binulan nga abang ti pasilidad a maka-akomodar ti 110 nga indibidual.
Innayonna a maakomodar iti pasilidad dagiti residente ti La Trinidad ken dagiti COVID-19 positive patients manipud iti dadduma a munisipyo ti Benguet
