Nasken ti panakaadda ti private paid parking lots iti siudad ti Baguio kagiddan ti panagado ti lugan iti siudad.
Daytoy ket kas solusyon iti nailet unay a trapiko iti City of Pines, sigun kenni Daryll Kim Longid kabayatan ti panakiuman ti Bombo Radyo kenkuana.
Sigun kenni Longid, saan a mailibak nga ado a lugan ti nakaparada idiay Barangay Gibraltar gapu iti kinaawan ti pagparadaan kasta met nga awan ti “road access” kas bilang panggep dagiti daduma a residente a mangaramid iti bukod-da a pagparkingan.
Napagtalantanan met daytoy dagiti residente, barangay officials kaduada dagiti maseknan nga ahensya nu kasanu a masolusyonan daytoy nu sadino daduma a paset ti lugar ket namarkaan kas naituding a pagbweltaan.
Insuhestiyon ni Longid a malaksid iti panakaaramid ti private paid parking lots ket rumbeng a kitaen ti local a gobyerno a nu mangipatakder ti maysa nga indibidual iti balay daytoy ket karaman kuma ti parking lot.//Bombo Mera Pacpacan