Impeksa ni Ruel Pañales, maysa a Mixed Martial Artist Contender manipud Masbate a prebilihio iti karera-na a mainayon iti Mixed Martial Arts (MMA) nangruna ta baro paylaeng daytoy iti nasao nga ay-ayam.
Iti panakiuman ti Bombo Radyo kenni Pañales, imbinglayna nga agarup uppat a tawen daytoy iti Mixed Martial Arts (MMA) no sadino nangrugi ti karerana idi panawen ti pandemya.
Sigun kenkuana, ti pandemya ti rason a simrek iti nasao nga ay-ayam gapu ta awanan daytoy ti trabaho.
Iti baet ti napadasan ni Pañales bayat ti panagrugi-na iti nasao nga ay-ayam, saan daytoy a napaay gapu ta iti agdama ket maysa daytoy kadagiti mabigbigbig a mangibagbagi iti pagilian a Pilipinas nangruna ta paturong daytoy iti Ultimate Fighting Championship (UFC) Season 3.
Inyunay-unay ni Pañales nga iti panagbalinna kas maysa a Mixed Martial Artist ket rumbeng a saan laeng a maysa nga skills wenno art ti ammoen nu diket amin pakairamanan ti wrestling, kickboxing, muaythai, striking, jiu-jitsu ken daduma pay.
Iti tay-ak ti Mixed Martial Arts, dakkel ti panagdayaw ni Pañales kadagiti champion wenno star ti pagilian a pakairamanan da Eduard Folayang, Joshua Pacio, Kevin Belingon, Daanny Kingad ken daduma pay.
Iti agdama, pagsagsaganaan ni Pañales ti manamnama a labanna inton Agosto, ita a tawen.//Bombo Mera Pacpacan
