--Ads--
BAGUIO CITY – Agtultuloy ti search and rescue operations dagiti responders ken volunteers iti barito a naiyanod iti karayan sadiay Kadchog River, Bontoc Ili, Bontoc Mountain Province idi kalman.
Sigun iti Bontoc Emergency Operations Center, nabigbig ti biktima a ni Kyneihner Waggay Sawi, 11-anyos ken residente ti Chakchakan, Bontoc Ili, Bontoc, Mountain Province.
Maibasar iti report, nangngeg ti residente a Gretchen Fakat ti panagpukpukkaw ti dua nga ubbing manipud iti karayan.
Nagturong daytoy iti karayan ken ditoy a naammuanna a naiyanod ti kadwa dagitoy gapu iti kapigsa ti ayos ti danum iti karayan.
Naisayangkat met ti search and rescue operations ken nabulod pay ti backhoe ti maysa a kompania tapno makontrol ti danum iti nasao a karayan.
