--Ads--
BAGUIO CITY – Manamnama a mangbukel metten iti Freedom of Information (FOI) Ordinance dagiti lokal a gobierno ditoy Cordillera kalpasan a nailawlawag ti kinapateg ti nasao nga ordinansa.
Inlawlawag ni Atty. Kristian Ablan, PCOO Assistant Secretary ken FOI Program Director ti kinapateg ti pannakabukel ti ordinansa babaen iti maysa a conference a naangay ditoy siudad ti Baguio.
Sigun kenkuana, ditoy Cordillera, ti laeng Benguet ti kakaisuna a lugar nga addaan iti FOI ordinance.
Kinunana a babaen iti ordinansa ket agbalin a mas transparent dagiti lokal a gobierno kadagiti impormasion a kidkiddawen dagiti umili.
Innayon ni Ablan a babaen pay iti FOI ordinance ket maipakaammo kadagiti umili dagiti mapaspasamak iti aglawlaw.
