[photo credit to the owner]
BAGUIO CITY – Maur-uray pay laeng ti panakadadael dagiti iligal a paputok ken palibang a nakumpiskar ditoy siudad ti Baguio.
Immuna iti daytoy, nangipatungpal iti dua nga illegal firecrackers and pyrotechnic devices operations dagiti kameng ti Station 7 ti Baguio City PNP sadiay Kayang Street, Brgy. Kayang-Hilltop idi malem ti December 31, 2017.
Nangitunda daytoy iti panangkumpiskarda iti pito a pidaso ti super jumbo fountain, 4 a pidaso ti sputnik silver diamond fireworks; 50 a pidaso ti luces; 10 a pidaso ti piccolo ken maysa a Trompillo.
Kabayatanna, iti kapada metlaeng nga aldaw ket nakaawat iti impormasyon dagiti kameng ti BCPO-Station 7 seknan iti maysa a flowershop nga agilaklako iti paputok.
Iti panagberipikar dagiti pulis, nakumpiskarda ti 14 a pidaso ti pop pop, 80 a pidaso ti 10-star wenno plapla, dua a karton ti crossfire, 7 a karton ti piccolo, 15 a pakete ti lusis ken maysa a karton ti flying rocket nga aggatad amin iti P2,7000.
Naamuan met nga adda ti nasarakan dagiti pulis iti basuraan sadiay Badiwan, Tuba, Benguet a 45 a pidaso ti Judas Belt.
