BAGUIO CITY – Kalkalikaguman dagiti telecommunication companies ti napintas nga aglawlaw ken maliklikan dagiti insidente nga itunda dagiti cable ken delikado nga poste dagitoy iti publiko.
iti agdama ket agtultuloy ti nainget a panangdalusda kadagiti wires a nakawayway iti nagduduma a paset ti siudad.
Sigun kenni Engr. Philip Puzon, Executive Assistant V ti City Mayor’s Office, naipaayan dagitoy iti 180 nga aldaw a mangdalus kadagiti saan a maar-aramat a wires tapno napintas ti buya dagiti poste iti siudad.
Inlawlawagna a nalpas koma daytoy idi napalabas a tawen ngem naapektaran iti pandemya rason a nailaylayon daytoy nga immabot ita a tawen.
Inkarina met a babaen iti panakibinnadangda iti Baguio Electric Cooperative (BENECO) ket balligi a mailleppas daytoy iti kabiitan a panawen.
