--Ads--
Impeksa ni House Speaker Martin Romualdez ti panangsuportana iti panakadutok iti independent body a mangisayangkat iti imbestigasyon seknan iti maatap a korapsyon iti gobyerno kagiddan isyu kadagiti ghost flood control projects.
Inlawlawag ni Romualdez a saan nga ipalpalubos iti Kamara ti korapsyon iti nagduduma a paset iti government service kas iti public works, local governance, ken daduma pay.
Innayonna a rumbeng laeng ti naan-anay a panakaimbestigar dagiti maak-akusaran nga adda iti madi nga aramidna tapno maipaayan iti kaskenan a pannusa.
Supsuportaranna ti independent nga imbestigasyon ken patas a prosecution tapno madusa dagiti siasinoman a mapaneknekan a nanglipot ket nangpa-ay iti talek ti publiko.
