BAGUIO CITY – Tarigagay ti lokal a gobyerno ti Sablan, Benguet a mangipasdek ti economic zone iti masakupanda a munisipyo.
Sigun kenni Vice Mayor Arthur Baldo, adda ti nabirukanda a lokasyon a maibangonan ti nasao a proyekto iti kanito a matuloy daytoy.
Kinunana a babaen iti economic zone ket maadaan ti Sablan iti demo farm, manufacturing facility ken dadduma pay a pasilidad a pagnumaran metlaeng dagiti umili nangruna dagiti awanan trabaho.
Dinakamatna pay nga ur-urayenda laeng ti desisyon ti Philippine Economic Zone Authority-Baguio gaputa insumitirdan dagiti kaskenan a dokumento.