Agbalbalin a pakaseknan ti Lourdes Extension Barangay ti panagbalin ti paset ti Arco idiay Naguilian kas staging area ti basura.
Gapu iti dayta, kiddaw ni Jeffrey Timango, kapitan ti Lourdes Extension Barangay ti koordinasyon ti tunggal maysa seknan iti panangpatalinaed iti kinadalus ti nasao a lugar.
Iti panakiuman ti Bombo Radyo kenkuana, kinunana a kasapulan ti disiplina dagiti maseknan ken ti panagtungpalda kadagiti maipatpatungpal nga Information, education and communication (IEC).
Kinunana pay a nasken ti panakasegregate dagiti basura dagitoy ken ti panagtungpal iti naituding nga schedule ti panagbabasura.
Kabayatanna, manamnama nga agleppas ti manarimaan a kontruksyon ti kalsada iti paset ti Lourdes Subdivision a pauneg iti Dominican Mirador kalpasan ti maysa a bulan nu sadino ti panakatarimaan daytoy ket agbalin a solusyon iti mapaspasaran a panaglayos tunggal panagtutudo iti nasao a kalsada.//Bombo Mera Pacpacan
