--Ads--
Kidkiddawen ti advocacy group a Negosyo Advocates ti panakaikkat iti value-added tax (VAT) a sigun iti daytoy ket maysa a kangrunaan a rason iti nangato a production costs.
Sigun iti nasao a grupo, babaen iti panakaikkat ti VAT ket bumaba ti magastos para iti produksyon a makaitunda met iti panagbaba iti presyo dagiti magatang.
Impetteng daytoy a saan nga agbalin a pangta wenno saan a makadadael iti ekonomiya iti pagilian ti panakaikkat ti VAT ngem ketdi, mangpalag-an iti dadagsen dagiti Pilipino nga agsagsagaba gapu iti nangato a presyo dagiti magatang iti agdama.
Ti nasao a banag ket nairuar kalpasan a naisingasing a panakaibaba iti VAT iti 10% manipod iti sigud a 12%.
