BAGUIO CITY -Inkalintegan ti lokal a gobierno ti Baguio City ti arungaing dagiti transport sektor a maksayan ti biruk dagitoy iti implementasyon ti programa ti Baguo Tourism Council nga Hop-on, hop-off (HOHO) tourist bus a dagus met a nasuspindir.
Iti interview ti Bombo Radyo Baguio kenni City Administrator, inyunay-unayna nga adda ti naangay nga taripnong ti lokal a gobiero iti sektor ti turimso ken naipresente ti soft launching wenno panakaiyuswat ti Hoho bus.
Inlawlawagna a paset iti panakaiyuswat daytoy ti obserbasyon iti epekto ti programa iti sektor ti transportasyon ken ti sitwasyon ti trapiko.
Inyunay-unayna met a donasyon ti maysa a kompanya ti bus ti dua a yunit ti HOHO bus a nagbiahe idi Huwebes Santo.
Impeksana met ti reklamo dagiti tranport group a makessayan ti birok dagitoy gaputa sigun kenkuana saan met nga maak-akomodar dagiti residente iti siudad isunga saan a rumbeng a maibaga nga apektado dagitoy.
Inlawlawagna pay a saanda nga laplapdan dagiti residente nga agnumar iti HOHO bus ngem maipangruna laeng dagiti turista nangruna ta kadawyan met kadagiti residente ket nakaturongen kadagiti tourist destinations.
Kagiddan iti dayta, nakalukat met dagitoy iti suhestiyon ti transportw a nu mabalbalin ket isudan ti ikontrata ti gobierno a mangsukon wenno pagluganan dagiti turista tapnu agtultuloy ti pamastrekan dagitoy.
Guyguyuguyen ni Engr. Dela Pena dagitoy nga agturong iti maseknan nga ahensia tapnu ipadanon ti singasing wenno proposal dagitoy tapnu maadal iti kabiitan a panawen.cd
