BAGUIO CITY – Mailaksiden dagiti stakeholders ti La Trinidad Vegetable Trading Post manipud iti implementasyon ti Revised Revenue Code of 2017 ti La Trinidad, Benguet.
Sigun kenni Agot Balanoy, panakangiwat ti liga dagiti asosasyon sadiay trading post, daytoy ti sungbat ti Sangguniang Bayan (SB) ti munisipyo iti kiddawda a panakaipababa ti babayadan dagitoy a kas nailanad iti narebisa a revenue code.
Kinunana a napagnumuan ti SB ken dagiti stakeholder ti trading post a dagiti regulatory fees ken mayor’s permit a nasken a bayadanda iti sidong ti Revised Revenue Code of 2017 ket maikkat ken maiyakar iti maamyendaran a La Trinidad Trading Post Code.
Innayonna a babaen iti daytoy ket balanse latta ti panagnegosyo sadiay nangruna ta ti bayadanda iti mayor’s permit ken regulatory fees ket agbasar iti taray ti trading dagiti nateng.
Sigun pay kenkuana, kinuna ni balanoy a saanen a dobl;e dibble ti bayadanda a fees ngem pagsaritaanda latta no mano a oporseiento ti panagngato ti batybayuasanda babasen iti panaka amyendar ti trading post code