BAGUIO CITY – Kiniddaw ni Councilor Elmer Datuin ti pannakitinnulong ti Baguio City Police Office nangruna ti Baguio Police Traffic Enforcement Unit iti panangipaayda iti wayawaya kadagiti bisita nga agturturung ditoy siudad babaen iti saanda a panangtiliwda kadagitoy.
Kinunana a sumagmamano kadagiti bisita nga agturturung ditoy siudad ket agrekreklamo kenkuana kalpasan a naipaayanda iti citation ticket gapu iti pananglabsingda iti traffic ordinance.
Innayon ti opisyal a kasapulan a mailaksid dagiti turista iti number coding nangrunata dakkel ti kontribusyon ti turismo iti siudad ken sumagmamano kadagitoy ket saanda nga ammu ti number coding scheme ditoy siudad.
Gapu iti daytoy, kinuna ni Baguio Police Traffic Enforcement Unit chief PSupt. Armando Gapuz a tapno saan met a maabug dagiti turista ket ipapaayanda dagitoy iti passage fee.
Kinunana a tallo gasut a pisos ti bayadanda iti kanito a matiliwda gapu iti pananglabsingda iti traffic ordinance ti siudad.
