Posible a mailaylayon agingga iti bulan ti Marso inton sumaruno a tawen ti panakaileppas ti amin a proyekto a maar-aramid iti Baguio Athletic Bowl.
Iti panakiuman ti Bombo Radyo kenni Engineer Bonifacio Dela Peña, Administrator ti Baguio City, puntiryada nga ileppas dagiti amin a proyekto iti nasao a pasilidad agingga Disyembre ita a tawen ngem posible a mailaylayon daytoy gapu ta kasapulan a masurot dagiti procurement process ti gobyerno.
Sigun kenni Engr. Dela Peña, manamnaman ti panakaiturn-over ti Tennis Court iti siudad, ken inaprubaranen ti city council ti panakaiyimplimintar ti oval nu sadino, nailatangan ti grass field daytoy ti budget nga agarop hundred million pesos.
Manamnama met a mapre-procure daytoy iti Bids and Awards Committee(BAC) inton umay a Martes.//Bombo Rob Dominguez
