BAGUIO CITY – Manarimaanen ti panakailista dagiti umili ti Baguio a saan paylaeng a nabakunaan kontra iti COVID-19.
Sigun kenni City Administrator Engr. Bonifacio Dela Peña, aktibo dagiti barangay officials ken dagiti miembro ti BHERTs iti panagbiruk ken panaglista kadagiti nasao nga indibidual.
Maibasar iti rekord, 94.62% wenno nasurok 265,800 manipud iti puntirya a 281,000 nga eligible population ti siudad ti naan-anayen a nabakunaan kontra iti COVID-19 bayat a nasurok iti 286,800 dagiti nakaawat iti maysa a dose ti bakuna ken nasurok 55,500 dagiti nakaawat ti booster shot.
Innayon ni Dela Peña nga adda pay ti nasurok 90,000 a doses ti bakuna a maipaay kqadagiti akasapulan.
Imbinglayna pay nga aniaman nga oras nga adda ti panagbakuna ket mabalin ti walk-in la ketdi adda ti imet ti maseknan a QR Code.
