BAGUIO CITY – Puntirya ti ama ti Atok, Benguet a mailukat ita a lawas ti turismo ti munisipyo.
Nupay kasta, iti interview ti Bombo Radyo Baguio, inlawlawag ni Mayor Raymundo Sarac nga agtaripnong paylaeng ti Municipal Tourism Council tapnu pagsaritaanda dagiti masurot a pagalagadan.
Kinunana nga aw-awisenda pay dagiti mannalon nga addaan ti pagmulaan a mabalin a maisimpa ken maital-o kas agri-tourism site.
Dinakamatna a partikular a makitkitada a maital-o kas baro a destinasyon sadiay Atok ket dagiti pagmulaan sadiay Pasdong ken Naguey, nangruna iti ayan ti mini-terraces.
Innayon ni Mayor Sarac a bigbigenda pay dagiti nasken a maiyun-una a mailukat kas tourist site sadiay ken dagiti sumarsaruno pay a destinasyon.
Iti baet daytoy, inyunay-unayna nga agingga ita ket epektibo paylaeng ti pammilin a nangiparikep kadagiti tourism destination sadiay Atok, Benguet.
