BAGUIO CITY – Inrekomendar ti baro a dadaulo ti Police Regional Office – Cordillera (PROCOR) ti panakailukat ti 1,000 nga slots para kadagiti umili manipud kadagiti conflict areas ti Mt. Province a kayatda ti agbalin a pulis.
Kinuna ni PROCOR regional director PCSupt. Rolando Nana a dagiti agaplikar para iti nasao a posisyon ket maipasidong iti panagsanay ti PNP- Special Action Force la ketdi makapasa dagiti aplikante kadagiti itudtuding ti linteg.
Innayonna a gapu iti napasamak nga insidente sadiay Mt. Province a nakasaneban dagiti kameng ti pulisya ket imbilinna ti panangpatiber dagiti dadaulo dagiti pulis iti intelligence network ken intelligence gathering dagitoy.
Sigun paykenkuana, babaen iti daytoy ket maipasigurado dagiti istratehiya tapnu malabanan dagiti komunista a rebelde.
