BAGUIO CITY – Temporaryo a nasuspindir ti panangilukat ti Land Transportation Franchising and Regulatory Board (LTFRB) iti kanayunan a 200 taxi units ditoy siudad ti Baguio ken sadiay La Trinidad, Benguet.
Immunan nga impeksa ti lokal a gobyerno ti Baguio ti panagtubngarda iti nasao a panggep gapu iti pangta nga itunda dagitoy iti ad-adda a panag-ilet ti trapiko.
Iti panakiyuman ti Bombo Radyo kenni Rey Bacoco, dadaulo ti Cordillera UV Express Van Federation, addan ti nagatang dagitoy a 150 nga unit ti taxi ngem nakareserba dagitoy gapu paylaeng iti saan a panangaprobar ti konseho iti nasao a singasing.
Kinuna a natural laeng ti nailet a sitwasyon ti trapiko gaputa umad-ado dagiti pribado a luglugan nga umuneg ken rumuar ditoy siudad nangruna ita a holiday season.