--Ads--
BAGUIO CITY – Manamnama a maksayan ti nailet a gunay ti trapiko sadiay La Trinidad, Benguet babaen kadagiti maimuntar a temporario nga alad wenno barriers.
Insingasing ti La Trinidad Municipal Police Station ti panakaimuntar dagiti barriers manipud Km. 3 agingga Km. 5, banag a naaprobaran kabayatan ti panagtaripnong ti Traffic Management Board (TMB).
Sigun kenni Mayor Romeo Salda, maimuntar dagiti barriers ita a bulan ken agpaut daytoy iti 60 nga aldaw.
Immunan a kinontra dagiti establisiemento sadiay Km. 3 agingga Km. 5 ti nasao a panggep gapu iti posible nga epekto daytoy iti panakai-deliver dagiti lakoda.
