BAGUIO CITY – Puntiria ti Department of Social Welfare and Development (DSWD) – Cordillera a maipaayan iti livelihood assistance ti agarup 1,400 a persons with disabilities (PWDs) ken informal sector iti rehion.
Sigun ken DSWD-Cordillera Regional Director Leo Quintilla, maipaayan iti livelihood assistance dagiti napukawan ti trabaho a karaman iti informal sektor kas dagiti barbeque vendors, adaan iti sari-sari store, ken daduma pay a naapektaran iti pandemya.
Inlawlawagna a saan nga amin a PWD ket maikkan iti tulong gapu ta dumalan daytoy iti assessment.
Mainaig iti daytoy, kinuna ni Quintilla a matulungan iti programa dagiti mangmangged kadagiti massage parlors, musicians, dagiti visually impaired ken dadduma pay nga indibidual.
Maipalagip a naipaayan iti sag-P5,500 a livelihood assistance dagiti visually impaired sadiay Municipio ti La Trinidad, Benguet itay nabiit.
