BAGUIO CITY – Naragsakan ti pamilya Danao iti panagaprobar ni Presidente Rodrigo Duterte iti panakaipaay ti Medal of Valor iti SAF 42 kung saan, maa-upgrade ang .
Babaen iti go signal ni Pres. Duterte ket mai-upgrade iti Medal of Valor ti Distinguished Medal nga immunan a naipaay kadagiti uppat a pulo ket dua a SAF commandos a pimmusay iti Mamasapano encounter.
Sigun kenni Dexter Ariola, kabsat ti pimmusay a ni PO3 Walner Danao, nabayagen a kidkiddawenda ti nasao a banag sipud pay panawen ni sigud a Presidente Noynoy Aquino III.
Kinunana a naklaat dagitoy gaputa namnamaenda a bumayag ti nasao a proseso ngem saanda a ninamnama a dagus nga ipaay ti agdama nga administrasyon ti nasao a kiddaw.
Gapu iti daytoy, nagyaman ni Ariola iti administrasyon Duterte gapu iti madagdagus nga aksyon daytoy.
Immunan a naipaayan iti Medal of Valor da PCI Gednat Tabdi ken ni PO2 Romeo Cempron bayat a ti uppat a pulo ket dua ket nakaawat iti PNP Distinguished Medal.
Inaklonna met a nasakit ti nakemda idi dua laeng ti naipaayan iti Medal of Valor, imbes nga amin dagitoy gaputa pimmusayda iti maymaysa a misyon, ti panangkemmegda kenni Zulkifli Binhir alyas Marwan.
