Narugyanen ti panakaisagana ken panakaipatakder dagiti booths wenno stalls iti Rose Garden, Burnham Park para ti Christmas Market kas paset ti An Enchanting Baguio Christmas 2025.
Daytoy ket kalpasan nga inaprobaran iti city council idi napalabas a lawas.
Dumanon iti nasurok 20 a booths ti manamnama a maimuntar a pakaiparangan dagiti nagduduma a produkto.
Iti agdama, temporaryo paylaeng a nakarekep para iti publiko ti Rose Garden tapno maipaayan iti naan-anay a gundaway ti panakaisimpa dagitoy sakbay nga opisyal a mailukat inton December 5, 2025 agingga January 18, 2026.
Maipalagip na idi napan a tawen ket kinuna iti City Environment and Parks Management Office (CEPMO) a dimmanon iti nadurok 40 a chalet ti naipasdek wenno nakipartisipar iti Christmas Market iti An Enchanting Baguio Christmas.//Bombo Noveh Organo
