BAGUIO CITY – Saan nga irekomendar ti ama ti Baguio ti panakaipasidong ti siudad iti Modified General Community Quarantine (MECQ).
Sigun kenni Mayor Benjamin Magalong, daytoy ket gapu iti naobserbaran a panagbaba ti kaso ti siudad iti COVID-19.
Kinunana a saanen a kasapulan a maipasidong ti Baguio iti MECQ gaputa kabaelan ti siudad nga imaton ti sitwasyon ken nakasagana amin dagiti pasilidad a maaramat iti daytoy.
Dinakamatna met nga agtultuloy latta ti panakaipatungpal ti agresibo a community testing ken nangato paylaeng ti contact tracing efforts ti Baguio.
Innayon pay ti Contact Tracing Czar a nasken laeng a masustinir dagiti maipatpatungpal a pagalagadan iti siudad kontra iti COVID-19.