BAGUIO CITY – Nainget a makikokoordinar ti lokal a gobierno ti Baguio iti Department of the Interior and Local Government (DILG) – Cordillera para iti posible a panakaipasidong ti siudad iti General Community Quarantine (GCQ) with heightened restrictions.
Sigun kenni Mayor Benjamin Magalong, kiniddawna ti panangipalubos ti DILG a maideklara ti nasao a panggep tapno maliklikan ti panagadu ti kaso ti COVID-19 iti siudad.
Kinunana a maingetan dagiti pagalagadan a maipatungpal iti siudad apaman a mapatgan ti baro a restrictions ken maksayan ti kapasidad dagiti nagduduma nga establishimento.
Manipod iti sigud nga 50% capacity dagiti dine-in establishiments agbalinen a 20% capacity iti indoor ken 50% iti al fresco seating; agbalin met a 30% capacity dagiti personal care establishiments; agbalin pay nga 30% capacity ti outdoor venurs ken saanen a mapalubosan ti indoor venus manipod iti sigud nga 50% capacity para iti leisure ken tourist attractions.
Nasken nga 10% capacity met dagiti religous gatherings manipod iti sigud nga 30% capacity bayat a 10% capacity dagiti necrological gatherings para kadagiti non-covid deaths ken dagiti laeng pamilya ti pimmusay ti mapalubosan a makipaset iti daytoy.
Agtalinaed latta met dagiti dadduma a pagalagadan a maipatungpal iti siudad kas ti curfew iti oras ti 12:00 ti rabii agingga iti oras ti 4:00 ti agsapa, modified liqour ban iti oras ti 8:00 ti rabii agingga 12:00 iti malem ken saan latta a mapalubusan ti non-essential local inter-zonal travel.
Inlawlawag ni Mayor Magalong a dagiti dadduma a pagalagadan a maipatungpal iti kanito a maipasidong ti siudad iti GCQ with heightened restrictions ket madaman a maipatpatungpalen ditoy siudad.
Kinunana pay a manamnama ti panagngato ti kaso ti COVID-19 kadagiti sumarsaruno a lawas gapu iti pangta ti Delta variant.
Kabayatanna, maysa metlaeng nga ar-aramiden ti lokal a gobierno tapno marespondean wenno maaksionan ti panakapunno dagiti pagagasan ditoy siudad ti panakaibangon dagiti step down facilities.
Kinunana ni Mayor Magalong a babaen iti daytoy ket saan la unay a mapunno dagiti pagagasan ken maakomodar pay dagiti pasiente apaman a maiturong kadagiti step down facilities dagiti nagbalinen a mild cases a pasiente ti COVID-19 manipod kadagiti ospital.
Imbinglayna nga iti agdama ket maki-yumunan dan iti DOH-Cordillera para iti akreditasyon dagiti dadduma nga isolation facilities sadiay Teachers Camp.
VC MAGALONG 2 (Baguio City Mayor Magalong)
