BAGUIO CITY — Maad-adal iti munisipyo ti La Trinidad, Benguet ti panakaipatakder ti multi-level parking area sadiay.
Sigun kenni Mayor Romeo Salda, parikot metlaeng sadiay ti nailet a gunay ti trapiko ken dakkel a tulong to kadakuada ti panakaipatakder ti multi-level parking area.
Kinunana a dua a kompanya ti mangididiaya iti panakaipatakder ti multi-level parking area iti nasao a munisipyo a naipaima met iti Sangguniang Bayan para iti kaskenan nga aksion.
Naamuan a maysa a kompanya ti agkayat a mangipatakder sadiay La Trinidad iti parking area ngem kayatda a dagitoy a mismo ti mangimaton iti nasao a paradaan.
Kayat met ti maysa a kompanya a mangipasdek ti multi-level parking area ngem makargaan ti negosyo ti maikatalo ken maikapat a kadsaaran.
