Imbinglay ni Engr. Charles Bryan Carame, mangidadaulo iti City Disaster Risk Reduction and Management Office-Baguio a nasaysayaat ti implementasyon iti earthquake drill iti siudad ita a tawen nu idilig idi 2024.
Iti pannakiuman iti Bombo Radyo kenni Engr.Carame,kinunana a masmasdaaw dagiti national offices iti pannakaisayangkat iti Earthquake Drill iti siudad gapu iti nasayaat nga implementasyon daytoy.
Mainaig iti dayta, kinuna ni Engr.Carame a kompleto dagiti lima nga earthquake instruments iti local a gobierno iti siudad.
Nupay kasta, kasapulan a manayunan daytoy kas panagsagana iti ginggined.
Manarimaan met ti panagsanayda kadagiti barangay officials nga agserbi a katulunganda iti rescue operation kaspangarigan mapasamak ti nasao a didigra.
Impetteng ni Engr.Carame a nasayaat nga amin a maseknan ket karaman a maipaayan iti panagsanay ken maipaayan iti accredition.
Guyguyuguyen met ti nasao nga opisial dagiti mangkayat nga agsanay nga agturongda laeng kadagiti opisina dagitoy tapno maipaayanda iti umno a panagsanay.//mp4
