BAGUIO CITY – Impanamnama dagiti Higher Education Institutions (HEIs) ditoy lokalidad nga adda ti maipatungpal nga academic health break ita a semestre.
Kinanununganda ti implementasyon ti nasao a bakasyon kalpasan ti naangay a taripnong nga indauluan ti Sangguniang Panlungsod.
Inlawlawagda a nagduduma ti aldaw a pangipaayda ti academic health break ita a semestre gaputa nagduduma met ti aktibidad ti tunggal pagadalan iti makatawen.
Napagnumuan nga iti academic health break ket mairaman amin dagiti mannursuro ken estudyante ken awan ti maipaay nga aktibidad dagiti estudyante.
Naipanamnama met nga ada latta ti sweldo a maawat dagiti mannursuro kabayatan dagiti aldaw a panakaipatungpal ti academic health break.
Naipalagip pay kadagiti mannursuro ti saanda a panangipaay ti adu nga academic requirements kalpasan ti academic break.
Maipalagip nga impabiang ti Commission on Higher Education-Cordillera kadagiti HEIs ditoy rehiyon ti desisyon iti panakaipaay ti academic health break ita a semestre la ketdi maipasigurado ti panagsurotda kadagiti pagannurutan ti gobierno.
