BAGUIO CITY – Inaprubaran ti lokal a konseho ti La Trinidad, Benguet ti uppat a pulo nga aldaw a Christmas Bonanza sadiay Km.5 a maipatungpal babaen iti night market.
Inlawlawag ni Councilor Arthur Shontogan nga inaprubaranda ti nasao a kiddaw kasaruno ti panangpabor ni Mayor Romeo Salda iti night market nu idillig iti trade fair.
Kinunana a napagnumoan dagitoy a P1.2-M ti bayadan ti organizer ti Christmas Bonanza a ni Leonila Bumakat.
Nakalanad iti resolusyon a mangrugi ti set-up dagiti aglako iti night market iti alas siete agingga alas siete y media ti rabii ken agrugi ti panaglakoda iti alas otso ti rabii agingga iti alas tres ti parbangon.
Innayunna a maiprayoridad pay a mailako sadiay dagiti home made products ken dadduma pay a produkto nga ipampannakel ti munisipyo kas iti strawberry.
Maipawil pay ti subleasing wenno panangipaabang manen iti pwesto dagiti maipaayan iti pwesto sadiay, ken saanen a mailaylayon ti uppat a pulo nga aldaw a naituding para iti panakaipatungpal ti Christmas Bonanza.
————- Filipino translation ———-
BAGUIO CITY – Inaprubahan ng lokal na konseho ng La Trinidad, Benguet ang 42 araw na Christmas Bonanza sa Km.5 na isasagawa sa pamamagitan ng night market.
Paliwanag ni Councilor Arthur Shontogan, inaprubahan nila ang nasabing kahilingan kasunod ng pagpabor ni Mayor Romeo Salda sa night market sa halip na trade fair.
Sinabi niya na pinag-usapan nila na P1.2-M ang babayaran ng organizer ng Christmas Bonanza na si Leonila Bumakat.
Nakasaad sa resolusyon na magsisimula ang pag-set-up ng mga magtitinda sa night market sa alas siete hanggang alas siete y media ng gabi at magsisimula ang kanilang pagtitinda sa alas otso ng gabi hanggang sa alas tres ng madaling araw.
Dagdag pa niya, pangunahing ititinda doon ang mga home made products at iba pang produkto na ipinagmamalaki ng munisipyo tulad ng strawberry.
Bawala naman ang subleasing o muling pagpapaupa sa pwesto ng mga mabibigyan ng pwesto doon, at hindi na umano mapapalawig pa ang 42 araw na itinakda para sa Christmas Bonanza.
