Mapadpadaanan ti panakaipatungpal ti drum and lyre, dance performances ken float parade, maysa a higlight a paset ti Strawberry Festival sadiay La Trinidad, Benguet inton damdama.
Gapu iti dayta, temporaryo a maiparekep dagiti sumagmamano a kalsada sadiay La Trinidad para iti panakaisaynagkat dagiti nasao nga aktibidad.
Maiparekep iti trapiko sadiay Kilometer 5 agingga kilometer 6 manipud alas y media agingga alas onse y media ita nga aldaw.
Gapu iti dayta, maipalpalagip kadagiti motorista a magna kadagiti alternatibo a ruta kas iti Buyagan Road, Tawang Road ken dadduma pay.
Kabayatanna, maal-allukoy ti publiko a makipaset ken agbuya iti daytoy tapno maimatangan dagiti insagana dagiti participants para iti nasao nga aktibidad.
Malaksid iti dayta, maiyunay-unay metlaeng a sapaen dagiti agbuya nga agturong iti nasao a munisipyo tapno maliklikan a mastock iti trapiko.
