Pagdandanagan ita ti Council for the Welfare of Children (CWC) a posible a masexualize dagiti naawatda a ladawan ken videos dagiti ubbing manipud iti modeling shoots nga agwarwaras ita iti online.
Sigun iti nasao nga ahensia, nagwaras dagiti nasao a video ken ladawan iti social media, pribado a grupo, ken iti dark web.
Gapu iti dayta, inyunay-unay ti nasao nga ahensia a saan a rumbeng a maaramat dagiti ubbing kadagiti modeling, uray pay no awan ti saan a nasayaat a motibo dagiti nagannak, organizer ken dadduma pay a stakeholders ti shoot.
Kabayatanna, indagadag ti nasao nga ahensia kadagiti nagannak, guardians, photographers ken modeling industry nga agaramidda iti guideline maipapan kadagiti child modeling shoots tapno masigurado ti kinatalged dagiti ubbing kadagiti online platforms.
