BAGUIO CITY – Naibilin ti pannakaisardeng ti panag-momma dagiti kameng ti Public Order and Safety Division (POSD) ditoy siudad ti Baguio.
Sigun ken ni Cyr Bagayao, dadaulo ti POSD, paset daytoy ti panangipakita dagiti POSD enforcers iti kina-propesional dagitoy.
Kinunana a manipud iti 101 a POSD enforcers iti siudad ket 16 kadagitoy ti ag-mommomma.
Dinakamatna a maipaspasidong iti values restorations ken training dagiti kameng ti POSD tapno makaipakita dagitoy iti napintas a kababalin ken galad a tuladen dagiti umili.
Kinunana a kanayon a maibilbilin ti panangipakita dagiti POSD enforcers iti napintas a kalidad.
Innayon ni Bagayao nga agen-ensayo dagiti POSD enforcers tapno agbalin met laeng dagitoy a force multipliers iti panawen dagiti kalamidad.
