Nagleppas ita nga aldaw ti “Mangwhawhato’ of the Cordillera” wenno ti maipapan ti panagtattoo dagiti uppat a mambabatok manipud iti Butbut tribe iti probinsya ti Kalinga.
Daytoy ket maipatpatungpal iti kadakellan a mall iti siudad.
Ti nasao nga aktibidad ket nangrugi idi Sabado no sadino naipaam-ammo dagiti artist a da Georgia Baydon, Ammin Acha-ur, Shaddy, ken Den Wegan.
Ti desinyo ti tatoo dagitoy ket nakabasar kadagiti Kalinga patterns ken dumanon iti P2-K ti minimum a bayad, nakadepende iti pattern ken size.
Kadawyan met a disenyo dagitoy ket maipapan iti aglawlaw kas kadagiti bantay, kayo, uleg, centipede, tukak, ken bukbukel ti pagay .
Iti panagtatto dagiti mambabatok, agar-aramat dagitoy iti siit manipud iti kayo ti lemon wenno calamansi a naisawsaw iti tinta wenno ink tapno napartak a maitattoo iti kudil.//Bombo Genzel D. & Bombo Mera P.
