BAGUIO CITY – Kasapulan nga ituloy ti Philippine Army ti peace and nation building approach tapno malapdan ti ania man a kita ti pangta ditoy pagilian.
Mensahe daytoy ni Lt. Gen. Romeo Brawner Jr., Commanding General ti Philippine Army iti panagbalinna a kangrunaan a sangaili iti pannakaselebrar ti maika-125 nga anibersaryo ti kinabanuar ni Dr. Jose Rizal ita nga aldaw a naangay iti mismo a Rizal Shrine ditoy siudad.
Sigun kenkuana, babaen iti maaw-awagan a bayanihan, saan a posible a magun-od ti linak ken kappia ken ti sustainable development ti komudidad.
Kinunana a ti sakripisyo ken ti ipupusayna ti nangitunda iti panangilaban dagiti amin a Pilipino ti panagwaywayas.
Ni Dr. Rizal ti maysa nga ulidan ti manangisakit kadagiti padana a Pilipino.
Imbinglay ni Lt.Gen. Brawner nga idi nagbalin daytoy a commandant of cadets ti Philippine Military Academy (PMA) a nabaelnada a parmeken ti hazing iti uneg ti akademya kas iti pammati ni Rizal a mabalin a maragpat ti panagwaywayas nga saan nga agaramat ti kinaranggas.
Kinunana a ti kinapudno, napinpintas ti panagbalin a servant leader a resrespetuen dagiti babaenna ngem ti panagbalin a autocratic leader a kabuteng dagiti babaenna.
Kiniddawna pay ti panagkaykaysa dagiti amin nga umili ti panagaplikarda kadagiti amin a pammagbaga ni Rizal.
Kabayatanna, binigbig metlaeng ni Brawner dagiti maibilbilang a Rizal Modern Heroes kas kadagiti soldado, kapulisan, firefighters, ken dadduma pay a men in uniformed personnel nga agsaksakripisyo tapno mapagtalinaed ti linak ken kappia iti pagilian.
Binigbigna metlaeng dagiti health workers ken dadduma pay a mabigbigbig a frontliners ita a panawen ti pandemya.
Ti nagbalin a tema ti pannakaselebrar ti maika-125th Rizal Day ket “Rizal: Para sa Agham, Katotohanan, at Buhay.
Narugyan ti programa ti flaf raiusing ceremony ken ti singing of national anthem nga indauluan dagiti plebo ti PMA ken Baguio City Hall Choir, sinaruno met ti panangisagot ti sabong iti Rizal Shrine nga indaluan ni Brawner, sinaruno ti traditional sounding of four ruffles, 21 gun salute, playing of taps ken ti presentasyon ti completion honors nga indauluan dagiti plebo a sinaruno metlaeng ti panagkararag.
Nangipaay metlaeng ti mensahe da Acting Mayor Faustino Olowan, Mark Go Representative Soledad Go a nagsentro metlaeng kadagiti nagbalin a kontribusyonna iti pannakagun-od ti panagwaywayas ti pagilian.
