--Ads--
BAGUIO CITY – Agtultuloy ti panagsagana ti Department of Social Welfare and Development (DSWD) – Cordillera para kadagiti manamnama nga epekto dagiti dakes a sasaaden ti panawen a posible a mangapektar iti rehion Cordillera.
Gapu iti daytoy, manarimaanen ti panakaiwaras dagiti food ken non-food items manipud iti regional warehouse paturong iti nagduduma a probinsia ti rehion, pakairamanan ti Baguio City.
Innayon ti ahensia a manarimaan metlaeng ti production dagiti nasao a relief packs iti nagduduma a production hubs iti entero a rehion.
Tarigagay ti DSWD-Cordillera nga adda ti umdas a suplay dagiti food ken non-food items iti rehion para kadagiti agkasapulan.
