BAGUIO CITY – Manarimaan ti panangiwaras ti Bureau of Fisheries and Aquatic Resources (BFAR) – Cordillera, iti koordinasyon ti magduduma a lokal a gobyerno ken dadduma a partner service providers iti Bayanihan 2 assistance kadagiti kwalipikado a mangngalap iti rehion Cordillera.
Puntirya ti Cash and Food Subsidy for Marginalized Farmers and Fisherfolks Program a direkta a maipaayan iti taraon ken tulong pinansial a P5,000 dagiti kwalipikado a benipisaryo manipud iti nagduduma a sektor ti agrikultura ken panagkalap a nakarehistro iti Registry System for Basic Sectors ti Department of Agriculture.
Naamuan a maipaay a cash ti P3,000 bayat a ti nabati a P2,000 ket bagas ken manok wenno itlog.
Dinakamat ni BFAR-Cordillera Regional Director Lilibeth Signey a nasurok iti 13,000 dagiti kwalipikado a benipisaryo ditoy rehion iti nsao a tulong.
