--Ads--
BAGUIO CITY – Impanamnama ti Police Regional Office-Cordillera (PRO-COR) a manayonan dagiti kagawaan ti pulisya ditoy rehion.
Sigun ken ni PRO-COR regional director Police Brigadier General R’win Pagkalinawan, paset daytoy iti panangsuporta iti operasyon ti pulisya ti Cordillera.
Kinunana a manipud nagbalin daytoy kas lider ti PROCOR ket inpangrunana ti panaggatang kadagiti espesial a kagawaan ti pulisya.
Inlawlawagna a bentahe daytoy kadagiti pulis kabayatan dagiti espesial nga operasion.
Nakagatangen ti PROCOR iti nagduduma a kagawaan kas iti red dot tactical scopes, medium and long-range sniper scopes, thermal scopes, night-vision goggles, light-emitting diode flashlights ken binoculars.
